Голоса

Каму патрэбныя мясцовыя выбары?

На гэтым тыдні ў Беларусі праходзяць выбары. Лічыцца, што беларусы абяруць сабе каля 19 тысяч мясцовых дэпутатаў. Агулам па краіне конкурс складае 1,18 чалавека на адно дэпутацкае крэсла. Ці ёсць тут з каго выбіраць? І ці мае гэта, па сутнасці,сэнс? «Журнал» запытаўся ў выбаршчыкаў.

Па пошце выбаршчыкам ўжо прыходзяць запрашэнні прагаласаваць, накшталт такога. На адваротным баку мы бачым новаўвядзенні — спіс вылучэнцаў па акрузе. Першы —кааператыўшчык з трыма крымінальнымі артыкуламі па эканамічным злачынстве. Другі — 22-гадовы студэнт-камуніст. Апошні — ідэёлаг з завода ды ўладальнік тысячаў акцый. Пры гэтым улады просяць: прагаласуйце за тых, каму верыце, абярыце дэпутата, якога чакаеце. Як для мяне, гэты выбар не будзе просты.

А як будзеце выбіраць вы? Мы чакаем на вашыя каментары пад відэа.